18/09/2017
Postim 18 September 2017, 16:00 AEST
Sam Seke
Miss Solomon Islands Pageant blong Solomon Islands long disfala yia bae olketa i holem long naba 20 an 21 long October.
Pageant
2016 Miss Solomon Islands Pageant finalists
Odio: Miss Solomon Islands Pageant director, Joyce Konofilia hem toktok wetem Sam Seke
Theme or mein toktok long Miss Solomon Islands Pageant fo disfala yia nao hem 'Women in Peace and Harmony with Society.'
Pageant Director, Joyce Konofilia hem se diswan hem fo tingting long olketa samting wea olketa mere i duim long famili, komiuniti an long kantri long saet long peace an harmony.
Hem se olketa organisesa i lanem plande samting from pageant blong last yia, so disfala yia bae hem moa beta.
Ms Konofilia hem se wina blong Miss Solomon Islands Pageant ia bae hem go representim kantri long Miss Pacific Island Pageant long Fiji long December.
Wina blong Solomon Islands pageant last yia, Camilla hem bin kam naba 3 long Miss Pacific Island Pageant, an Ms Konofilia hem se olketa i hop fo duim beta disfala yia.
http://www.radioaustralia.net.au/tokpisin/2017-09-18/2017-miss-solomon-islands-pageant/1702576